2018-04-26 | Боловсруулаагүй цайвар ноолуур 102,000.00 (-5,000.00)▼-4.67% | Боловсруулаагүй бараан ноолуур 97,000.00 (-3,000.00)▼-3.00% |
MOSCOW WEATHER
ULAANBAATAR WEATHER
BEIJING WEATHER


Ц.Болорчулуун: 400 мянга орчим тонн улаан буудай хураасан

11-р сарын 7 - 10 цаг 29 минут

Улсын хэмжээнд ургац хураалтын ажил дуусах шатандаа орж, төмс, хүнсний ногооны дүн мэдээлэл гарчээ. Харин улаан буудайн хураалт дууссан ч дүн мэдээ хараахан гараагүй байна. Учир нь өдгөө тариа цайруулах ажил хийгдэж байгаа аж. Энэ хавар 376 мянган га талбайд үр тариа, 340 мянган га талбайд улаан буудай тариалсан гэдгийг ХХААХҮЯ-наас мэдэгдсэн. Энэ талаар тус яамны Газар тариалангийн бодлого хэрэгжилтийг зохицуулах газрын дарга Ц.Болорчулуунаас тодрууллаа.

-Ургац хураалтын ажил дуусах шатандаа орсон гэсэн. Энэ жил хэчнээн хэмжээний буудай, хүнсний ногоо хураасан бэ. Төлөвлөсөн хэмжээндээ ургацаа авч чадав уу?

-Ургац хураалтын ажил дуусаж байна. Гэхдээ ургац хураалтын дүн мэдээ хараахан гараагүй. Үр тарианы хураалт дуусаж, тариа цайруулах ажил хийгдэж байгаа. Одоогийн байдлаар энэ ажил арав орчим хувьтай байна.

Төмс болон хүнсний ногооны ургац хураалт бүрэн дууссан. Бид энэ жил 14 мянган га талбайгаас 165 мянган тонн төмс хураахаар төлөвлөөд байсан. Өнөөдрийн. байдлаар 190 гаруй мянган тонн төмс хурааж, төлөвлөгөөгөө давуулан биелүүлээд байна.

Хүнсний ногоо 92 мянган тонныг хураахаар төлөвлөснөөс одоогийн байдлаар 91 мянган тонн ногоо хурааж, төлөвлөгөөний дагуу ажиллалаа. Харин улаан буудайны хувьд 420 мянга орчим тонн буудай хураах урьдчилсан баланс гарсан. Одоогийн байдлаар 400 мянга орчим тонныг хураасан.

Одоо гурил үйлдвэрлэлд тэнцэх эсэх асуудал бий. Гурилын үйлдвэрт хэдий хэмжээний буудай хүлээлгэн өгөх нь ургац хураалтын дүн мэдээ гарсны дараа тодорхой болно.

-Энэ жил хур тунадас элбэгтэй жил байлаа. Байгаль, цаг уурын давагдашгүй хүчин зүйлээс шалтгаалан ургацын чанар муудаж, дараа жилийн үрийн нөөцөө бүрдүүлж чадахгүй нь гэсэн мэдээлэл бий. Ийм байдал үүсэх үү?

-Цаг агаарын нөхцөл байдлаас шалтгаалан зарим буудай чийгтэж, чанар нь муудах асуудал гардаг. Ургац хураалтын дүн гарахад ирэх жилийн үрийн нөөцийн дүн гарна. Тариалан эрхэлдэг аж ахуйн нэгж, иргэд ирэх жилийнхээ тариалалтын үрийг нөөцөлдөг дүрэм журамтай. Үүнийхээ дагуу нөөцөө бүрүүлээд явж байгаа.

Ургац хураалтын дүн гарахад ирэх жилийн үрийн мэдээлэл гарна. Одоохондоо үрээ хангалттай хэмжээнд нөөцөлж чадахгүй гэдэг дүн мэдээ тараагүй.

-Ургац хураалтын нэгдсэн дүн хэзээ гарах вэ?

-Энэ сарын 20-нд нэгдсэн мэдээлэл гарна.

-Жил болгоны хавар сайн чанарын үрээр тариалалт хийнэ гэж мэдэгддэг ч намар нь үрийн чанараас шалтгаалан ургац муу хураалаа гэдэг?

-Улаан буудайн үйлдвэрлэл эрхэлж байгаа аж ахуйн нэгж, иргэд нь гурил үйлдвэрлэлд нийцэх хүнсний улаан буудай үйлдвэрлэхийг зорьдог. Харин үрийн тариалалтаа тусдаа хийдэг. Өөрөөр хэлбэл, тухайн тариалалт хийж байгаа аж ахуйн нэгж нь хүчин чадлаасаа шалтгаалан үрээ тусад нь бэлтгэдэг гэсэн үг.

Гурил үйлдвэрлэлд нийлүүлж буй хүнсний улаан буудайн тариалалтаас өөрөөр тариалдаг гэсэн үг. Иймд аж ахуйн нэгжүүд үрээ авч үлдэхийг эрмэлзэж, үрийн нөөцөө бүрдүүлдэг.

-Тариалан эрхэлдэг аж ахуйн нэгжүүдэд урамшуулал олгодог. Энэ жил хэчнээн компанид хэдэн төгрөгийн урамшуулал олгох вэ?

-Ургац хураалтын дүн мэдээ гарсны дараа буудайн урамшууллыг олгодог. Ингэхдээ ирэх жилийн буюу арваннэгдүгээр сарын 15-нд батлагдах төсөвт суулгаж, оны дараа аж ахуйн нэгж, иргэдэд урамшууллыг нь олгоно.

Эх сурвалж: Үндэсний шуудан сонин

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд gazartarialan.mn хариуцлага хүлээхгүй.

Сэтгэгдэл бичих хэсэг 

Шинэ мэдээ

"УААНБААТАР ГУРИЛ" ХХК Хөх хотод зохиогдсон үзэсгэлэн худалдаанд амжилттай оролцлоо4 цаг 57 минутын өмнөХөдөө аж ахуйн биржийг хятад компанид өгөх нь сайдын шунал уу, эсвэл…8 цаг 7 минутын өмнөХӨДӨӨ АЖ АХУЙН БИРЖИЙГ ХЯТАД КОМПАНИД ӨГӨХ НЬ САЙДЫН ШУНАЛ УУ, ЭСВЭЛ…1 сар 21. 10:06Махны компаниуд Хөдөө аж ахуйн яамтайгаа "дайн" зарлалаа1 сар 15. 11:38Хүнс, хөдөө аж ахуйн салбарын экспортыг нэмэгдүүлнэ1 сар 15. 10:47Ч.Улаан сайд огцрох ёстой1 сар 14. 12:26Ид шидтэй хамт олон1 сар 3. 17:59Нэгдүгээр сарын цаг агаарын төлөв1 сар 3. 14:302019 оны 12-р сарын цаг агаарын урьдчилсан төлөв2019, 12 сар 17. 16:15"Эрүүл мэндийн гурил" гэж юу вэ2019, 12 сар 17. 16:05Төсвөөс мөнгө суулгуулан хураан авдаг улаанбуудай асуудал дагуулах нь2019, 12 сар 16. 10:17“Гацуурт” компани хүнсний ногооны салбарыг орхиж буйгаа мэдэгдлээ2019, 12 сар 10. 11:01Цасан шуурга шуурч, ихэнх нутгаар хүйтрэхийг анхааруулж байна2019, 12 сар 10. 10:31УЛААНБААТАР ГУРИЛ ХХК ХҮНСНИЙ АЮУЛГҮЙ БАЙДЛЫН ОЛОН УЛСЫН СТАНДАРТЫГ АМЖИЛТТАЙ НЭВТРҮҮЛЛЭЭ2019, 12 сар 9. 12:17"УЛААНБААТАР ГУРИЛ" ХХК АЛТАН НАМАР 20192019, 12 сар 9. 12:15Гурилаа импортлох уу, улаан буудайгаа гаднаас авах уу2019, 12 сар 9. 10:51Архангай аймаг 20.0 мянга орчим тонн ургац хураан авч Атрын 60 жилийн ойгоо угтлаа2019, 11 сар 29. 10:53Ургамал, газар тариалангийн хүрээлэнг Алтан гадас одонгоор шагнав2019, 11 сар 22. 12:57Тариалан эрхлэгчдийг дэмжих сан гээчийн сайнаасаа саар нь давамгайлах болжээ2019, 11 сар 21. 11:11Улсын хэмжээнд 189 мянган тонн төмс, 91 мянган тонн хүнсний ногоо хураажээ2019, 11 сар 19. 11:01


(976) 99337473


Монгол Улс, Улаанбаатар хот, Сүхбаатар дүүрэг 1-р хороо UBH center 16 давхарт 1601 тоот


gazartarialaninfo@gmail.com


© 2018. Бүх эрх хуулиар хамгаалагдсан. Вэб сайтыг DsSoft LLC.2020.