2018-04-26 | Боловсруулаагүй цайвар ноолуур 102,000.00 (-5,000.00)▼-4.67% | Боловсруулаагүй бараан ноолуур 97,000.00 (-3,000.00)▼-3.00% |
MOSCOW WEATHER
ULAANBAATAR WEATHER
BEIJING WEATHER


ХХААХҮ-ийн сайд Ч.Улаан БНХАУ-д албан ёсны айлчлал хийлээ

6-р сарын 7 - 12 цаг 37 минут

ХХААХҮ-н сайд Ч.Улаан тэргүүтэй төлөөлөгчид 6 дугаар сарын 3,4-ний өдрүүдэд БНХАУ-д албан ёсны айлчлал хийлээ. Айлчлалын бүрэлдэхүүнд Мал эмнэлгийн ерөнхий газрын дарга Д.Түмэндэмбэрэл, Гаалийн ерөнхий газрын дарга Б.Асралт, Мэргэжлийн хяналтын ерөнхий газрын дарга Н.Цагаанхүү, ХХААХҮЯ-ны Хүнсний үйлдвэрийн бодлогын хэрэгжилтийг зохицуулах газрын дарга Т.Гантогтох, Жижиг, дунд үйлдвэр, хоршооны бодлогын хэрэгжилтийг зохицуулах газрын дарга Я.Эрдэнэсайхан, ГХАХ-ийн мэргэжилтэн Б.Заяа нар ажиллав.

Айлчлалын эхний өдөр ХХААХҮ-н сайд Ч.Улаан, БНХАУ-ын Худалдааны зөвлөх сайд Рэн Хунбин, ӨМӨЗО-ны Ардын Засгийн ордны дэд тэргүүлэгч Ай Лихуа нар “Монгол-Хятадын Экспо” 3 дахь удаагийн арга хэмжээг зохион байгуулах тухай хэвлэлийн бага хуралд оролцож мэдээлэл хийлээ. Хэвлэлийн бага хурлын үеэр салбарын сайд хэлсэн үгэндээ “Ноолуурын салбарын тогтвортой хөгжлийн олон улсын форум зохион байгуулахаар төлөвлөсөн. Монгол, Хятад хоёр улс бол дэлхийн ноолуурын зах зээлийн 90 орчим хувийг дангаараа хангаж байгаагийн хувьд энэ салбарын цаашдын хамтын ажиллагааг улам өргөжүүлж, хоорондоо өрсөлдөх биш цаашид хамтран дэлхийн зах зээлийг үр дүнтэй ашиглах шаардлагатай” тухай онцолж байв.

БНХАУ-ын Худалдааны зөвлөх сайд хийсэн мэдээлэлдээ “БНХАУ-ын дэвшүүлсэн “Бүс ба Зам санаачилга”-ыг “Хөгжлийн зам” төсөлтэй уялдуулан Хятад-Монгол-Оросын эдийн засгийн коридорын бүтээн байгуулалтыг идэвхжүүлэн цаашид харилцан ашигтай, хүртээмжтэй байх зарчмын дагуу Монгол Улсын эдийн засгийн хөгжлийг урагшлуулахад үргэлжлүүлэн идэвхтэй дэмжлэг үзүүлэн, хоёр талын харилцааг шинэ түвшинд хүргэж хөгжүүлэхэд хамтран ажиллах”-аа илэрхийлэв. ӨМӨЗО-ны Ардын Засгийн ордны дэд тэргүүн Ай Лихуа арга хэмжээг зохион байгуулах бэлтгэл ажлын явц, ерөнхий удирдамжийг сэтгүүлчдэд танилцуулав.

ХХААХҮ-н сайд Ч.Улаан БНХАУ-ын Хөдөө аж ахуй, хөдөө тосгодын дэд сайд Чү Дунюү тэргүүтэй тус яамны удирдлагуудтай уулзаж хоёр улсын хүнс, хөдөө аж ахуйн салбарын хамтын ажиллагааны талаар санал солилцож, Монгол, Хятадын Хөдөө аж ахуйн яам хоорондын 7 дугаар хурлыг энэ 7 дугаар сард Улаанбаатар хотод зохион байгуулахаар шийдвэрлэв. Түүнчлэн мал эмнэлэг, малын удмын сан, сүү, махны эрчимжсэн мал аж ахуй, органик хүнсний баталгаажуулалт, хөдөө аж ахуйн салбарын боловсон хүчнийг бэлтгэх чиглэлээр хамтын ажиллагаагаа эрчимжүүлж НҮБ-ын Өмнөд-өмнөдийн хамтын ажиллагааны санхүүжилтээр хамтарсан төсөл, хөтөлбөр хэрэгжүүлэх талаар тохиролцов.

Монгол Улсын төлөөлөгчид БНХАУ-ын Гаалийн ерөнхий газрын дэд сайд Ван Линжүн тэргүүтэй төлөөлөгчидтэй уулзалт хийж 2019 онд Монгол Улсаас БНХАУ руу экспортлох хөдөө аж ахуйн бүтээгдэхүүний нэр төрлийг нэмэгдүүлэх, сүү сүүн бүтээгдэхүүн, адууны дайвар бүтээгдэхүүн, хөх тариа, улаан буудайн гурил зэргийг нийлүүлэх мал эмнэлэг, ургамлын хорио цээрийн нөхцөлийг шуурхай тохирч, эрх зүйн орчныг төгөлдөржүүлэхээр санал нэгдэв. Мөн Монгол Улсын баруун бүсийн 5 аймгийн салаа туурайтан малын маханд тавьсан экспортын түр хоригийг цуцлахад хоёр улсын мал эмнэлэг, хорио цээрийн асуудал хариуцсан газрууд идэвхтэй хамтран ажиллаж, техникийн хамтын ажиллагааг ойрын хугацаанд хэрэгжүүлэхээр боллоо. Түүнчлэн цаашид эрүүл, аюулгүй хүнсний бүтээгдэхүүний худалдааг хөгжүүлэхэд Монгол Улс, БНХАУ-ын хяналт, хорио цээр, гаалийн байгууллагууд хамтын ажиллагаагаа эрчимжүүлэхээр тохиролцов.

Айлчлалын төгсгөлд ХХААХҮ-н сайд Ч.Улаан БНХАУ-ын Худалдааны сайд Жун Шань-тай хоёр талт уулзалт хийж цаашид хөрөнгө оруулалт, худалдаа, эдийн засгийн хамтын ажиллагааг харилцан ашигтай хөгжүүлж 2020 онд хоёр улсын худалдааны эргэлтийг 10 тэрбум ам.долларт хүргэх зорилгыг биелүүлэхэд ХАА-н салбар чухал үүрэг гүйцэтгэх тухай санал солилцов.

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд gazartarialan.mn хариуцлага хүлээхгүй.

Сэтгэгдэл бичих хэсэг 

Шинэ мэдээ

“Гацуурт” компани хүнсний ногооны салбарыг орхиж буйгаа мэдэгдлээ12 сар 10. 11:01Цасан шуурга шуурч, ихэнх нутгаар хүйтрэхийг анхааруулж байна12 сар 10. 10:31УЛААНБААТАР ГУРИЛ ХХК ХҮНСНИЙ АЮУЛГҮЙ БАЙДЛЫН ОЛОН УЛСЫН СТАНДАРТЫГ АМЖИЛТТАЙ НЭВТРҮҮЛЛЭЭ12 сар 9. 12:17"УЛААНБААТАР ГУРИЛ" ХХК АЛТАН НАМАР 201912 сар 9. 12:15Гурилаа импортлох уу, улаан буудайгаа гаднаас авах уу12 сар 9. 10:51Архангай аймаг 20.0 мянга орчим тонн ургац хураан авч Атрын 60 жилийн ойгоо угтлаа11 сар 29. 10:53Ургамал, газар тариалангийн хүрээлэнг Алтан гадас одонгоор шагнав11 сар 22. 12:57Тариалан эрхлэгчдийг дэмжих сан гээчийн сайнаасаа саар нь давамгайлах болжээ11 сар 21. 11:11Улсын хэмжээнд 189 мянган тонн төмс, 91 мянган тонн хүнсний ногоо хураажээ11 сар 19. 11:01Хэнтийчүүд атрын 60 жилийн ойгоо энэ сард тэмдэглэнэ11 сар 7. 17:02Ц.Болорчулуун: 400 мянга орчим тонн улаан буудай хураасан11 сар 7. 10:29Энэ онд улаан буудайн тариалалт 14.0 хувиар өсчээ11 сар 1. 17:34Ирэх арваннэгдүгээр сарын цаг агаарын мэдээ10 сар 28. 14:04Урьдчилсан байдлаар Монгол улс хэрэгцээгээ бүрэн хангах буудай хураан авна10 сар 28. 10:38Үр тарианы хураалт 83.5 хувь байна10 сар 28. 10:37ХХААХҮ-ийн дэд сайд Ж.Саулегээр ахлуулсан ажлын хэсэг Баян-Өлгий аймагт ажиллалаа10 сар 9. 17:32Заамар сум 576 тн ургац хураан авчээ10 сар 9. 17:31“ХҮНСЧДИЙН ОНЦ ЧУУЛГАН” боллоо6 сар 25. 16:57ХХААХҮ-ийн сайд Ч.Улаан БНХАУ-д албан ёсны айлчлал хийлээ6 сар 7. 12:37ХХААХҮ-ийн сайд Ч.Улаан: Цаг агаарын тааламжтай байдлыг ашиглан тариалалтаа шуурхайлъя5 сар 29. 9:39


(976) 99337473


Монгол Улс, Улаанбаатар хот, Сүхбаатар дүүрэг 1-р хороо UBH center 16 давхарт 1601 тоот


gazartarialaninfo@gmail.com


© 2018. Бүх эрх хуулиар хамгаалагдсан. Вэб сайтыг DsSoft LLC.2019.