2018-04-26 | Боловсруулаагүй цайвар ноолуур 102,000.00 (-5,000.00)▼-4.67% | Боловсруулаагүй бараан ноолуур 97,000.00 (-3,000.00)▼-3.00% |
MOSCOW WEATHER
ULAANBAATAR WEATHER
BEIJING WEATHER


Хүнс, хөдөө аж ахуйн салбарын экспортын орлогыг нэмэгдүүлэх боломж бий

6-р сарын 29 - 8 цаг 55 минут

 Хүнс, хөдөө аж ахуй, хөнгөн үйлдвэрийн салбарт нийт ажиллах хүчний 53 хувь ажиллаж, ДНБ-ий 30 хувийг үйлдвэрлэдэг ч экспортын орлогын 4-5 хувийг бүрдүүлж байна. Ингээд бодохоор салбарын хувийн хэвшлийн чадавхийг сайжруулах, олон улсын туршлагыг нэвтрүүлэх, үр ашгийг дээшлүүлэх, бараа, бүтээгдэхүүнээ экспортод гаргахад чиглэсэн төсөл, хөтөлбөрт хамрагдах хэрэгцээ шаардлага байгаа юм.

Хүнс, хөдөө аж ахуйн хөнгөн үйлдвэрийн яам, Сангийн яам хамтран энэ салбарт хэрэгжиж буй хөнгөлөлттэй зээл, тусламжийн төслүүдийн хэрэгжилт, үр дүнгийн талаар хувийн хэвшлийнхэнд танилцуулах уулзалт зохион байгууллаа. Хөрөнгө оруулалтын үр өгөөжийг нэмэгдүүлэх, олон улсын байгууллага, хувийн хэвшлийн уялдааг сайжруулах зорилготой уулзалтад хувийн хэвшил, аж ахуйн нэгжийн 60 гаруй төлөөлөл оролцож, гадны төсөл, хөтөлбөрүүдийн талаар мэдээлэл сонсож, хамтран ажиллах боломж эрэлхийлж байлаа. 

  Монгол Улсын Засгийн газраас хүнс, хөдөө аж ахуй, хөнгөн үйлдвэрийн салбарыг онцгойлон анхаарч, эдийн засгийг төрөлжүүлэх гол гарц гэж харж байна. Энэ утгаараа Хүнс, хөдөө аж ахуй, хөнгөн үйлдвэрийн сайдын багцад 2015 онд 98 тэрбум төгрөгийг төсөвлөж байсан бол жил бүр үе шаттайгаар нэмэгдүүлж, 2018 оны төсөвт 151 тэрбум төгрөг суулгасан юм. Одоогоор сайдын багцад 185 сая ам.долларын санхүүжилттэй 5 төсөл хэрэгждэг. Гадаадын түнш, донор байгууллагууд Монгол Улс тэр дундаа хүнс, хөдөө аж ахуй, хөнгөн үйлдвэрийн салбарыг ихээхэн сонирхдог ч хөрөнгө оруулахад тулгамдсан асуудал байсаар байна.

Дэлхийн банкнаас хэрэгжүүлж буй "Экспортыг дэмжих төслийн тухайд, даатгал, сургалт-судалгаа, санхүүгийн дэмжлэг зэрэг чиглэлээр үйл ажиллагаа явуулж байна. Азийн хөгжлийн банкны зүгээс хүнс, хөдөө аж ахуй, хөнгөн үйлдвэр нь үр ашигтай бөгөөд ажлын байр бий болгодог салбар учраас өдгөө 27 жилийн туршид олон олон төсөл, хөтөлбөрүүд хэрэгжүүлж иржээ. Хөгжлийн банк  нь дангаараа болон олон улсын байгууллагатай хамтран төсөл, хөтөлбөр санхүүжүүлдэг. Гол нь хувийн хэвшлүүд санхүүжүүлэхэд бэлэн буюу эрсдэлээ бүрэн тооцсон, тогтмол үр ашгаа өгөх төсөлд санхүүжилт хүсэх нь зүйтэй талаар уулзалтын үеэр хэлж байсан юм. Европын сэргээн босголт хөгжлийн банкны хувьд, Жижиг, дунд бизнесийн санхүүжилтийн хүртээмжийг нэмэгдүүлэх замаар "Монгол Улсын эдийн засгийн төрөлжилтийг дэмжих хөтөлбөр"-ийг хоёр үе шаттайгаар хэрэгжүүлж байна. Тус банкнаас одоогоор 140 орчим аж ахуйн нэгжид зөвлөх үйлчилгээ үзүүлснээс 80 хувь хүнс, хөдөө аж ахуйн салбарынх байна. Эдгээрээс 55 компанид үр дүнгийн үнэлгээ хийж үзэхэд, үйл ажиллагаанд нь өсөлт гарч, нийт 800 гаруй ажлын байр шинээр бий болжээ.  

  Гадаадын төсөл, хөтөлбөрүүд санхүүжүүлэх, дэмжих аж ахуйн нэгжээ оновчтой сонгож, хувийн хэвшлүүд өөрийн хэрэгцээ шаардлага, онцлогтоо тохирсон төслийг амжилттай хэрэгжүүлэн, хамтран ажиллаж чадвал үр өгөөж нь аль болох богино хугацаанд гарч, улсын эдийн засаг, экспортод чухал түлхэц болох юм.  

АНХААРУУЛГА: Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд gazartarialan.mn хариуцлага хүлээхгүй.

Сэтгэгдэл бичих хэсэг 

Шинэ мэдээ

Хоёрдугаар сарын ЦАГ АГААРЫН урьдчилсан төлөв2 сар 4. 11:05“Улаанбаатар Гурил” ХХК 2019 оны цахим санал асуулгаар шилдэг гурил үйлдвэрлэгчээр шалгарлаа1 сар 31. 14:47"УААНБААТАР ГУРИЛ" ХХК Хөх хотод зохиогдсон үзэсгэлэн худалдаанд амжилттай оролцлоо1 сар 24. 13:30Хөдөө аж ахуйн биржийг хятад компанид өгөх нь сайдын шунал уу, эсвэл…1 сар 24. 10:20ХӨДӨӨ АЖ АХУЙН БИРЖИЙГ ХЯТАД КОМПАНИД ӨГӨХ НЬ САЙДЫН ШУНАЛ УУ, ЭСВЭЛ…1 сар 21. 10:06Махны компаниуд Хөдөө аж ахуйн яамтайгаа "дайн" зарлалаа1 сар 15. 11:38Хүнс, хөдөө аж ахуйн салбарын экспортыг нэмэгдүүлнэ1 сар 15. 10:47Ч.Улаан сайд огцрох ёстой1 сар 14. 12:26Ид шидтэй хамт олон1 сар 3. 17:59Нэгдүгээр сарын цаг агаарын төлөв1 сар 3. 14:302019 оны 12-р сарын цаг агаарын урьдчилсан төлөв2019, 12 сар 17. 16:15"Эрүүл мэндийн гурил" гэж юу вэ2019, 12 сар 17. 16:05Төсвөөс мөнгө суулгуулан хураан авдаг улаанбуудай асуудал дагуулах нь2019, 12 сар 16. 10:17“Гацуурт” компани хүнсний ногооны салбарыг орхиж буйгаа мэдэгдлээ2019, 12 сар 10. 11:01Цасан шуурга шуурч, ихэнх нутгаар хүйтрэхийг анхааруулж байна2019, 12 сар 10. 10:31УЛААНБААТАР ГУРИЛ ХХК ХҮНСНИЙ АЮУЛГҮЙ БАЙДЛЫН ОЛОН УЛСЫН СТАНДАРТЫГ АМЖИЛТТАЙ НЭВТРҮҮЛЛЭЭ2019, 12 сар 9. 12:17"УЛААНБААТАР ГУРИЛ" ХХК АЛТАН НАМАР 20192019, 12 сар 9. 12:15Гурилаа импортлох уу, улаан буудайгаа гаднаас авах уу2019, 12 сар 9. 10:51Архангай аймаг 20.0 мянга орчим тонн ургац хураан авч Атрын 60 жилийн ойгоо угтлаа2019, 11 сар 29. 10:53Ургамал, газар тариалангийн хүрээлэнг Алтан гадас одонгоор шагнав2019, 11 сар 22. 12:57


(976) 99337473


Монгол Улс, Улаанбаатар хот, Сүхбаатар дүүрэг 1-р хороо UBH center 16 давхарт 1601 тоот


gazartarialaninfo@gmail.com


© 2018. Бүх эрх хуулиар хамгаалагдсан. Вэб сайтыг DsSoft LLC.2020.